Saturday, June 30, 2012

வாழ இடம் தேடும் பச்சை நிறங்கள்


நகரமயமாக்கல் திட்டங்கள் வந்ததால் ஒழிந்தவை பல. இவற்றில் பசுமை மரங்களும் அடங்கும்.

வெயிலின் அருமை நிழலில் தெரியும் என்பார்கள்.

தலைநகர்கள் வானுயரும் கட்டிடங்களால் உயர்ந்து நிற்க பசுமைத் தாவரங்கள் கருகி அழிந்து மண்ணோடு மண்ணாகிவிடுவது வேதனைக்கு உரியது.


கட்டடக் காடுகளாக இயற்கையைத் தொலைத்து நிற்கும் கொழும்பு மாநகரின் ஒரு பகுதி இது. சீமேந்துக் கலவையால் மாசடைந்து நோய்கள் பரப்பி நிற்கும் இங்கு வளியைச் சுத்தமாக்கி பிராண வாய்வை வெளியே விட ஒரு சில மரங்கள்தான் மனிதனின் கோடரிக்குத் தப்பியிருக்கின்றன.

இவற்றையாவது காப்பாற்றி அடுத்த சந்ததிக்குக் கையளிப்போமா?

முன்னைய காலத்தில் வாகனங்கள் புழக்கத்தில் இல்லாத காலம். கால் நடையாகவே மனிதர்கள் நீண்டதூரப் பயணம் செய்வார்கள். மாட்டு வண்டிப் பயணமும் இருந்தது. அவ்வேளையில் இடையிடையே வெயிலுக்குத் தங்கிச் செல்ல தெருவோரங்களிலுள்ள மர நிழல்கள் பெரிதும் உதவின.

Thanks:- worldthrulens.wordpress.com

உணவுப் பொருட்களை தலையில் சுமந்து எடுத்துச் செல்பவர்கள் அதை இறக்கி வைத்து இளைப்பாற மரநிழல்களின் கீழ் சுமைதாங்கி கல்லுகள் இருந்தன. இப்பொழுது இவை எல்லாமே காணமல் போய்விட்டன.

நன்றி vidiyalmora.blogspot.com

தென்னஞ்சோலை, மாஞ்சோலைகள், நிழல் தரும் வேப்பமரங்களும் அவற்றின் இதமான சுகம் தரும் காற்றும் கனவாகின்றன.

மனித வாழ்வின் இருப்பிட நெருக்கடிகளால் தொடர் அடுக்குமாடி வீடுகள் தோன்ற பலமரங்களும் அழிக்கப்பட்டு விட்டன.

வாகனப் பயணங்கள் அதிகரிக்க நகரங்களில் வாகன நெரிசல்கள் ஏற்பட்டன. அதனால் ஏற்படும் சத்தங்கள், அவை கக்கும் புகைகள் என்பவற்றால் காற்றில் கரியமலை வாயுவின் அதிகரிப்பு கூடியது மனிதனுக்கு சுவாசிக்க நல்ல காற்று இல்லை.

வீடுகளும் காற்றில்லா வீடுகள், 24மணிநேரமும் செயற்கை மின்விசிறிக் காற்றும் அதன் வெப்பம் என நகரமயமானதின் விளைவுகள். பலவீடுகளில்  போதிய காற்றின்றி  இருமல் , சளி,ஆஸ்த்மா , மூக்கடைப்பு, என பல வியாதிகளால் மக்கள் அவதிப்படுகின்றார்கள்.

மரங்கள் அழிவதால் ஏற்படும் வெப்ப அதிகரிப்பு, மழையின்மை, இவற்றைத் தடுக்க மரங்களை நட்டு வளர்க்க வேண்டும். இருக்கும் மரங்களை முடிந்த அளவில் பாதுகாக்க வேண்டும்.


வீடுகளில் முடிந்த அளவில் பயன்தரு மரங்களை நாட்டி வளர்த்துப் பயன்பெற வேண்டும்.

மாடிவீட்டுபல்கனிகளிலும் சிறிய சாடிகளில் வளர்த்து மகிழலாம். பாவித்துக் கழித்த தயிர்ச்சட்டி, செடி வளர்க்கக் கை கொடுக்கிறது.


இதனால் வீட்டின் வெப்பத்தை குறைத்து குளிர்ச்சியையும் பேணலாம். வண்ணத்துப் பூச்சிகள், குருவிகள், அணில்கள் என பலரையும் விருந்தாளிகளாய் அழைத்து மகிழலாம்.

குடித்துக் கழித்த மினரல் வோட்டர்  போத்தலில் அந்தூரியம் செடி வளர்கிறது.

மரத்தின் பயன்கள் பலவாகும் காய், கனி, நிழல், நீர், மழை, பறவைகள் இருப்பிடம், இயற்கைச் சுழற்சி, சுத்தமான காற்று, மருத்துவ குணம், மனஅமைதி, மண்ணரிப்பைத் தடுத்தல், நிலத்தடி நீர் மேம்பாடு, நுண்ணுயிர்கள் பெருகுதல் எனப்பல.

பட்ட பின்னும் விறகாகும். காய்ந்த இலை பசளையாகவும் கைகொடுக்கும்.
பல இடங்களில் வீதிப் பராமரிப்புகளால் பாரிய மரங்கள் அழிக்கப்பட்டு வருவதை காணலாம்.

முன்பெல்லாம் அரசடிச் சந்தி, ஆலடி, வேம்படி என்றெல்லாம், மரத்தின் பெயர்களால் சந்திகள் பலவும் இருந்தன.

பூவரசங்குளம், நாவல்காடு, தாளையடி, ஈச்சங்குளம், வாழைத்தோட்டம்,என்ற பெயர்களையுடைய பல இடங்களும் மரங்கள் கூட்டங்களாக இருந்ததை அடையாளம் காட்டின.

மரக்கடத்தல், காடழித்தலை தடுக்கவேண்டும். தவறும்போது தண்டனைகள் வழங்கப்பட வேண்டும்.

மரநடுகை, பசுமை பராமரிப்பு, காடுவளர்ப்பு, சுற்றுச்சூழல் பாதுகாப்பு என்பவற்றை ஊக்கப்படுத்த வேண்டும். மக்களிடையே அவை பற்றிய விழிப்புணர்வை ஏற்படுத்த வேண்டும்.

சுவரை வளைத்துக் கட்டி மரத்தைப் பாதுகாத்திருக்கிறார்கள்

உலகம் முழுவதிலும் இம்மாதம் சுற்றுச் சூழல் பாதுகாப்பு நிகழ்ச்சிகள் பலவும் நடைபெற்றுள்ளன. இலங்கையிலும் நாடளாவிய ரீதியில் பல நிகழ்ச்சிகள் நடைபெற்று இருந்தன. சுற்றுச்சூழல் பாதுகாப்பு அமைச்சினாலும் பல நிகழ்வுகள் நடாத்தப்பட்டுள்ளன.

300 ஏக்கர் பரப்பளவுள்ள கல்விசார் வனச் சரணாலயம் திறந்து வைக்கப்பட்டுள்ளது.

அரிய வகையான தாவரங்களைப் பாதுகாப்பதற்காகவும் பூங்கா ஒன்று ஆரம்பிக்கப்பட்டுள்ளது.

Thanks:- www.contourline.lk
 அரச வங்கிகள் சிலவும் முன்மாதிரியாக நிகழ்ச்சிகளை நடாத்தி இருக்கின்றன. 348 பாடசாலைகளில் விசேட நிகழ்ச்சிகள் நடந்துள்ளன. இவற்றில் 40,000 மாணவர்களும் அவர்கள் குடும்பத்தினரும் கலந்து சிறப்பித்துள்ளனர். மரநடுகையை ஊக்குவிக்க மாணவர்களுக்கு 20,000 மரக்கன்றுகள் வழங்கப்பட்டன. என்பது சிறப்பானது.

பாடசாலைகளில் மரம் நடும் நிகழ்ச்சிகளும் நடைபெற்றுள்ளன. சில ஊர்களில் விளையாட்டு மைதானங்களைச் சுற்றியும் மரம் நடுகைகள் நடைபெற்றுள்ளது வரவேற்பிற்குரியது.


உலகளாவிய ரீதியில் பல்லாண்டு பழைமைவாய்ந்த மரங்கள் இருக்கின்றன.

சில பாரிய மரங்களாகும்
நன்றி maunarakankal.blogspot.com
  இவற்றில் பல அதிசயமான மரங்களாகக் காட்சி கொடுக்கின்றன.
நன்றி abuanu.blogspot.com
மற்றொரு கலையழகு கொண்ட விநோத மரம் இது.

நன்றி zeyaan.wordpress.com

மரங்களை வளர்த்து நலம்பெறுவோம்.

"செந்தாளம் பூவில் நின்றாடும் தென்றல் என்மீது மோதுதம்மா....."

"சின்னக் குயில் பாடும் பாட்டுக் கேட்குதா குக்கு குக்கு கூ....கூ......"  என்று பாடிக்கொண்டே மகிழ்வுடனும் நலத்துடனும் வாழ்வோம்.



கொழும்பின் புறநகர்ப் பகுதியான தெஹிவலையில் நிழல்தேடி ஓடி வந்த குரங்கார் மதில் மீதமர்ந்து இளைப்பாறுகிறார்.




-மாதேவி-


0.0.0.0.0.0.0.0.0

19 comments:

  1. மரங்களின் அவசியத்தை அழகான படங்களின் துணையுடன் மனதில் பதியும் வண்ணம் சொல்லிய அருமையான பகிர்வு. நிச்சயம் மரம் வளர்ப்பில் நாம் அக்கறை செலுத்தத் தான் வேண்டும். நன்றி மாதேவி.

    ReplyDelete
  2. ”வாழ இடம் தேடும் பச்சை நிறங்கள்”

    அருமையான தலைப்பு.

    பசுமையான பயனுள்ள அழகான பதிவு.

    பாராட்டுக்கள்.

    ReplyDelete
  3. நேற்று தான் முகப்புத்தகத்தில் ஒரு புகைப்படம் பார்த்தேன். 2035-ல் பூமி தினம் எப்படிக் கொண்டாடுவார்கள் என...

    இருக்கும் மரங்களை எல்லாம் ஒழித்து விட்டு என்னதான் செய்யப் போகிறோம்.

    ReplyDelete
  4. வணக்கம் உறவே
    உங்களின் அருமையான இடுகையை இன்னும் பல பார்வையாளர்கள் படிக்க இங்கே இணைக்கவும்
    http://www.valaiyakam.com/

    முகநூல் பயனர் கணக்கின் மூலம் வலையகத்தில் நீங்கள் எளிதில் நுழையலாம்.

    5 ஓட்டுக்களை உங்கள் இடுகை பெற்றவுடன் தானியங்கியாக வலையகம் முகப்பில் உங்கள் இடுகை தோன்றும்.

    உங்கள் இடுகை பிரபலமடைய எமது புதிய ஓட்டுப்பட்டையை உங்கள் தளத்தில் இணைக்கவும்:
    http://www.valaiyakam.com/page.php?page=votetools

    நன்றி

    வலையகம்
    http://www.valaiyakam.com/

    ReplyDelete
  5. மரநடுகை, பசுமை பராமரிப்பு, காடுவளர்ப்பு, சுற்றுச்சூழல் பாதுகாப்பு என்பவற்றை ஊக்கப்படுத்த வேண்டும். மக்களிடையே அவை பற்றிய விழிப்புணர்வை ஏற்படுத்த வேண்டும்.


    மரங்கள் பற்றி ரம்யமான பகிர்வுகள்.. பாராட்டுக்கள் !

    ReplyDelete
  6. படங்களும் பதிவின் கருவும் கண்களுக்கும்
    மனதிற்கும் குளிர்ச்சி தந்து போகிறது
    மனம் கவர்ந்த அருமையான பதிவு
    தொடர வாழ்த்துக்கள்

    ReplyDelete
  7. வாருங்கள் கணேஷ்.

    நீங்கள் சொல்வதுபோல் அனைவரும் அக்கறை கொள்ளத்தான் வேண்டும்.

    கருத்துக்கு மிக்க நன்றி.

    ReplyDelete
  8. பாராட்டுக்கு மிக்க நன்றி வை.கோபாலகிருஷ்ணன்.

    ReplyDelete
  9. வாருங்கள் வெங்கட்.

    நீங்கள் சொல்வதுபோல யோசிக்கவேண்டிய விடயம்தான்.

    முதல்நாள் நின்ற மரம் மறுநாள் இருந்த இடம் தெரியாமல்போய் கட்டடம் முளைக்கக் தொடங்கி இருக்கும்.திரும்பவும் மரத்தை நடுவோம்என ஒருவரும் நினைப்பதில்லை.

    வருகைக்கு நன்றி.

    ReplyDelete
  10. வலைஞன் வருகைக்கு மிக்கநன்றி.

    ReplyDelete
  11. பாராட்டுக்கு மிக்க நன்றி இராஜராஜேஸ்வரி.

    ReplyDelete
  12. வாருங்கள் ரமணி.

    உங்கள் கருத்துக்கள் மகிழ்ச்சியைத் தருகின்றன.

    மிக்க நன்றி.

    ReplyDelete
  13. இயற்கையை அழித்துவிட்டு அவதிப்படும் காலம் மிக அருகில்.இப்பவே வெக்கை தாங்கமுடியேல்ல.நல்லதொரு பதிவு மாதேவி !

    ReplyDelete
  14. மரங்களை வளர்ப்பதன் அவசியத்தை வலியுறுத்தும் அழகான பகிர்வு..

    ReplyDelete
  15. இயற்கையை பேணவேண்டிய அவசியம் பற்றி ஆளாளுக்கு தொண்டைவரள கத்தினாலும் காடு அழிப்பு தொடர்ந்துக் கொண்டுதான் இருக்கிறது. அழகிய புகைப்படங்கள் மாதேவி.

    ReplyDelete
  16. ஹேமா
    அமைதிச்சாரல்
    சத்ரியன்.

    உங்கள் அனைவரின் கருத்துக்கும் மிக்க நன்றி.

    ReplyDelete
  17. பசுமையான அருமையான பகிர்வு.அழகான படங்கள்....

    ReplyDelete
  18. மாதேவி ,கலை அழகு கொண்ட மரம் அருமை.

    மரங்கள் வளர்த்து மழை பெற்று வாழ்வோம்.
    இயற்கையை போற்றுவோம்.

    ReplyDelete
  19. இயற்கையை போற்றும் உங்கள் நல் எண்ணத்துக்கு நன்றி.

    வருகைக்கும் கருத்துக்கும் மகிழ்கின்றேன். நன்றி கோமதி அரசு.

    ReplyDelete